Page 1 of 1,4011234567...Last »
28th Mar 2017

သံသရာတစ်ကွေ့ဝယ်။ ။

အချိန်ကာလအားဖြင့်နှစ်ပေါင်း(၇၀)ကျော်ကွာခြားတဲ့ဓာတ်ပုံနှစ်ပုံထဲမှာ
ကချင်တိုင်းရင်းသူအမျိုးသမီးကြီးနှစ်ဦးဟာ နှစ်ကြိမ်တိုင်တိုင် ထူးခြားစွာ ပါဝင်နေခဲ့ပါတယ်။

image

image

ဓာတ်ပုံ။ ။မူရင်းပိုင်ရှင်များ
Credit to Saya Min Din

Filed under Knowledge Base, Myanmar/Burmese | Be the first to comment! » (မြန်မာလိုလဲ ကွန်မန့် ပေးနိုင်ပါပြီ)

28th Mar 2017

Joke of the day

image

Filed under Beauties & Hunkies & Couples | Be the first to comment! » (မြန်မာလိုလဲ ကွန်မန့် ပေးနိုင်ပါပြီ)

26th Mar 2017

“ရေစက်”

          အိုင်ဒေါမတိုင်ခင်တစ်ရက်မှာ ရေးချင်လျက်နဲ့ “ငါ့ လူမုန်းများပါ့မယ်လေ။” ဆို တမင်မရေးပဲ ရေငုံနှုတ်ပိတ်နေမိတဲ့ အကြောင်းအရာတစ်ခု ရှိပါတယ်။ ဒါပေမယ့်လည်း စိတ်ထဲ တနုံ့နုံ့နဲ့ အိပ်လို့တောင် မပျော်နိုင်အောင် အဲသည်အကြောင်းကို စဉ်းစားမိတဲ့အခါ ကိုယ့်ဘာသာကိုယ်ပဲ ပြန်အဖြေထုတ်ရပါတယ်။ အဲသလောက် အပတ်တကုတ် စဉ်းစားအားထုတ်ပြီး ရေးလာခဲ့သမျှ စာတိုပေစတွေဟာ ပိုက်ဆံရဖို့ မဟုတ်မှန်းတော့ ကိုယ့်ဘာသာလည်းသိသလို တလောကလုံးလည်း သိမှာပါလေ။ နံမည်ကြီးချင်လို့ ပေါ်ပြူလာဖြစ်ချင်လို့ မဟုတ်မှန်းတော့ ကိုယ့်စိတ်ကိုယ့်ကိုယ်နဲ့ ပြတ်ပြတ်သားသားကို သိတာပါ။ ဘယ်သူမှ အထင်မကြီးလည်းနေ။ ဘယ်သူကမှ အရေးတယူ လာမဖတ်လည်းနေ။ ကိုယ့်ဘာသာကိုယ် ရေးချင်လို့ကို ရေးနေတာ။ Like တွေ Share တွေ များချင်လို့ ရေးနေတယ် ထင်ရင်တော့ Ha Ha ပဲ ပေးပလိုက်မယ်။ “No. Thank You.” ပါ။ ဒါဆိုရင် လူတဘက်သားရဲ့ ချစ်ခြင်းမုန်းခြင်းတွေကို ဘာဂရုစိုက်စရာ လိုသလဲ။ အမှန်တရားအတွက် ဘာဖြစ်တယ် ညာဖြစ်တယ် ငါ့စကားနွားရ မပြောလိုပါဘူး။ ကိုယ်မှန်တယ်ထင်တာကလည်း နောင်တချိန် ငါးမှန်းဖားမှန်း အဖြေထွက်လာတဲ့အခါ မှန်ချင်မှ မှန်မှာ နားလည်ပါတယ်။ ဒါပေမယ့်လည်း ရေးနေတဲ့ အချိန်တုန်းက အမှန်တကယ် မိမိကိုယ်တိုင် ယုံကြည်ရာကိုပဲ ရေးတာပါလေ။ မဟုတ်ကဟုတ်က ဝါဒဖြန့်ဖို့၊ မဲဆွယ်ဖို့၊ Psy War လုပ်ဖို့ သိသိကြီးနဲ့ ကိုယ့်စာဖတ်တဲ့သူတွေကို လိမ်ဖို့ ညာဖို့ လှည့်စားဖို့ မှိုင်းတိုက်တဲ့ စာမျိုးတော့ ဘယ်တုန်းကမှ မရေးခဲ့ဖူးဘူး။ ဘယ်တော့မှလည်း ရေးမှာ မဟုတ်ဘူး။ ဤမှန်သောသစ္စာစကားကြောင့် ဘဝဆက်တိုင်း သူတပါးက ဦးနှောက်ကန်းအောင် Brain Wash လုပ်ပြီး သူတို့လိုရာ မကောင်းမှုဒုစရိုက်တွေကို ညွှန်ကြားစေခိုင်းခံရသောသူ မဖြစ်စေဖို့ ပွင့်တော်မူပြီးသော ဘုရားရှင် အဆူဆူကို တိုင်တည် ဆုတောင်းပါတယ်။

            အချီးနိဒါန်းနဲ့တင် မျက်လုံးမျက်ဆံတွေ ပြူးကုန်လောက်ပြီ။ သည်တစ်ခါရော ဘယ်သူ့ကိုများ တီးလိုက်ပြန်ပြီ တိန်တိန်မြည် လုပ်ဦးမလို့လဲ မေးကုန်တော့မယ်။ မေးစရာလားဗျာ။ ထုံးစံအတိုင်း ရိုးရာမပျက် စစ်တပ်မကောင်းကြောင်း ကိုယ့်ကောင်းကြောင်း မဟုတ်ရင် ဂန္တဝင်မေမေ ဂရုဏာမေမေ မြင့်မိုရ်မေမေ ကောင်းကင်မေမေပဲ လာဦးမှာပေါ့။ ဒါ့ထက်ပိုပြီး တိကျအောင် ဟောချင်သေးသပဆို ဟိုကုလားကြီးသေတဲ့ကိစ္စ စစ်တပ်ကိုပုံချပြီး မကျေနိုင်မချမ်းနိုင် သခွပ်ပင်က မီးတကျည်ကျည် ရှို့မှာပေါ့။ အဲ့လိုနဲ့ပဲ တပ်ထဲကလူတွေလည်း ကိုယ့်ကို သံပုရာသီးထက်ကို ချဉ်လှပြီ။ ရဲထဲက သူငယ်ချင်းတွေဆိုရင်တော့ ကိုယ်ရှိမယ့်ပွဲဆို ရှောင်နေသလား အောင့်မေ့ရတယ်။ အလကားနေရင်း ကိုယ့်ထမင်းကိုယ်စားပြီး လူမုန်းများမယ့်စာမျိုး မရေးတာကောင်းတယ်လို့ ကိုယ့်ကိုယ်ကိုယ် ဆင်ခြင်မိလို့ အောင့်အည်း သည်းညည်းခံပြီး မရေးပဲနေကြည့်တယ်။ မရဘူး။ စောစောကလိုပဲ ဆင်ခြေအကြီးကြီးရှာပြီး မနေနိုင်မထိုင်နိုင် ရေးမိပြန်ပါရော။

              မနေ့ညက မြဝတီကပြတဲ့ စစ်ကားကလေး ကောင်းလှချည်ရဲ့ဆို။ ဟိုလူကလည်းကောင်း သည်လူကလည်းကောင်း၊ ညွှန်းလိုက်ကြတာ။ နေ့ချင်းညချင်း ဗီဒီယိုဖိုင် အတွဲဆက်ကလေးတွေတောင် ထွက်လာပြီ။ ကြည့်ချင်ရင် ကလစ်ကလေး နှိပ်လိုက်ရုံရယ်။ မြန်မာအိုင်ဒေါလိုတောင် ကြော်ငြာအကြာကြီး မစောင့်ရဘူး။ ဒါပေမယ့်လည်း အန်ကယ်ကတော့ No ပါ သားရယ်။ ဖီလင်ကိုမလာဘူး။ ကောင်းမှန်း သိပါတယ်။ ယုံကြည်လောက်သူများက ကောင်းလှချည်ရဲ့ အတန်တန် ညွှန်းနေတဲ့ဟာ။ ခက်တာက မသာအိမ်ရှေ့ ဘုရားပွဲလှည့်လာသလိုပဲ။ ကိုယ်က သူတို့မှမဟုတ်တာ။ ဘယ်လိုလုပ် ခံစားပေးနိုင်မှာလဲ။ သူတို့ကလည်း ကိုယ်မဟုတ်တဲ့အတွက် နားလည်နိုင်ကြမယ် မထင်ဘူး။ စစ်တပ်ကလုပ်တဲ့အလုပ်တစ်ခုခု ကောင်းတယ်လို့ ပြောသံကြားရင်တောင် အဲသည်အကောင်နားမှာ ခါးနေလောက်တယ် လို့ပဲ အောင့်မေ့မှာ။

              အဲ့ဒါ ဘာဖြစ်နေတာလဲ လို့ ကိုယ့်ဘာသာကိုယ် ပြန်သုံးသပ်တဲ့အခါ အဖြေကိုသွားတွေ့တယ်။ အဲ့ဒါ ရေစက်ကုန်နေတာ ဖြစ်မယ်။ သူနဲ့ကိုယ်နဲ့ အတူရှေ့ဆက်ဖို့ ဆန္ဒမရှိတော့တာ။ မဖြစ်မနေ မလွှဲမရှောင်သာလို့သာ ဆက်စပ်ပတ်သက်နေရတယ်။ စိတ်ထဲအသည်းထဲက နည်းနည်းမှကို မနှစ်လိုတော့တာ။ ဒါဟာ အစွန်းရောက်သွားတာ မဟုတ်ဘူးလား။ အဲသလို အမုန်းတရားတွေနဲ့ အစွန်းရောက်မယ့် စာမျိုးတွေ ရေးနေပြောနေရင် ကိုယ်လည်းပဲ ဦးဝီရသူ နဲ့ ဘာထူးမလဲ။ ဒါ မှားတယ်။ မဖြစ်သင့်ဘူး။ ကိုယ့်အမျိုးထဲမှာလည်း တပ်ကလူတွေ အများကြီး။ သူငယ်ချင်းတွေလည်း ရှိတယ်။ သူများတွေလို တပ်ကကျေးဇူး မူးလို့တောင် ရှူစရာမရှိဘူးလို့ ပြောနိုင်တာလည်းမဟုတ်။ တပ်ကအစောင့်အရှောက် အစောင်အမနဲ့ ကင်းမှမကင်းခဲ့တာ။ အဲသည် မကင်းရာမကင်းကြောင်းတွေ ထောက်ထားလိုက်ရင် အခုလို မျက်နှာလွှဲခဲပစ် စာမျိုးတွေ ရေးစရာအကြောင်း မရှိဘူး။ ဒါနဲ့ပဲ ကိုယ့်ကိုယ်ကိုယ် ပြန်တရားချပါတယ်။ ငါ ဘာဖြစ်နေတာလဲ။ လက်ခုပ်သံကြားချင် ဆိုက်ကားနင်းစားရမလား။ မြှောက်ပေးတိုင်း ရှေ့ထွက်ထွက် က ချင်ရင် တရုတ်ဖုန်းဆိုင်မှာ အရောင်းစာရေး သွားလုပ်ရမလား။ ကိုယ့်ကိုယ်ကိုယ် ဘာကောင်လဲ အရင်သိအောင်လုပ်ရတာပေါ့လေ။ တကယ်တော့ သိပြီးသားပါ။ ဘာကောင်မှမဟုတ်ဘူး။ အူနူး၊ အာဝါဒါး၊ အာပေတူးကောင်။

              အရင်ကဆို ကိုယ်ဟာ စစ်ဗိုလ်ရူးမရူးခဲ့ပေမယ့် စစ်ကားတော့ ကြိုက်ပါတယ်။ “ပုလဲမျက်ရည်” ဆို ငိုပြီးကို ကြည့်တာ။ “အချစ်တစ်ပွဲ စစ်ပွဲတစ်ရာ” “နှလုံးသားနဲ့စစ်တာဝန်” “နှောင်းတမြေ့မြေ့” အကုန်လုံး အသည်းစွဲအောင် အလွတ်ရတယ်။ ကလေးဘဝ ယောက်ကျားလေးကျောင်းမှာ  နေခဲ့တာ။ စစ်တိုက်တမ်း ကစားဖူးတယ်။ “ကျေးစေတမန်” “အိုဘယ့်တံချူရှင်” “ပေဖူးလွှာ” “တောင်တန်းပြာနဲ့ကျောပိုးအိပ်” “နတ်သျှင်နောင်” အဲ့ဒီသီချင်းတွေ ကလေးကတည်းက အကုန်ရတယ်။ “မိုဒေကာလဲ မစဲဘဲ ရွားနေဒယ်။” တို့၊ “ဗမာ ဗမာ ကမ္ဘာပေါ်မှာ ကြွားနိုင်စေဖို့ရာ” တို့၊ “ဖန်နေဝန်းသို့ညီ ထွန်းလင်းပြောင်ပေသည်။” တို့လည်း ရတာပဲ။ အစိမ်းတွေနဲ့ စိမ်းရအောင် သူပုန်တောထဲမွေးလာတာမှ မဟုတ်တာ။

            ဒါပေမယ့်လည်း စစ်တပ်ထဲဝင်မလား မေးရင် ဘယ်တုန်းကမှ ဆန္ဒမရှိပါဘူး။ ဆရာဝန်အလုပ်မဝင်ခင်တုန်းက ကိုယ်နဲ့သိတဲ့ ရာထူးအကြီးကြီးနဲ့ လူကြီးတစ်ယောက်က “ဟေ့ကောင်။ မင်း စစ်တပ်ထဲ ဝင်မလား။” လို့ မေးဖူးပါတယ်။ ဒါပေမယ့်လည်း အားမနာလျှာမကျိုးနဲ့ပဲ ကိုယ်က ငြင်းခဲ့တယ်။ သူကတော့ “မင်း ရှေ့တန်းသွားရမှာ ကြောက်လို့လား။ မသွားရပါဘူးကွာ။ ငါခေါ်ထားမှာပေါ့။” လို့ ဆိုခဲ့ပေမယ့် ကိုယ်ကြောက်တာ ရှေ့တန်းသွားရမှာ မဟုတ်ပါဘူး။ လုပ်ငန်းခွင်မှာ အထက်အရာရှိကို ပြားပြားဝပ် ကျိုးနွံနာခံရတာကို ကြောက်တာပါ။ သာသနာပိုင်ဆီမှာ ဘုန်းကြီးကျောင်းသား လုပ်မယ့်အစားတော့ တောကျောင်းမှာပဲ ဘုန်းကြီးဝတ်ချင်တဲ့လူစားလေ။ အထက်လူမြှောက်စားရင် တောက်ကြွားတတ်မှန်းသိပေမယ့် အရင်းလဲရင် အဖျားလည်း အလိုလိုထင်းဖြစ်တတ်မှန်း အဲသည်အရွယ်ကတည်းက သဘောပေါက်ပါတယ်။ အဲ့ဒါကြောင့် ပိုးဖလံမျိုး မီးကိုမတိုးပဲ အမှောင်ထဲမှာ ကိုယ့်ဘာသာ ပိုးစုန်းကြူးဘဝနဲ့ ပျော်အောင်နေပါတယ်။ မွဲချင်တဲ့ခွေး ပြာပုံတိုးမိလို့ ခုထက်ထိ မဖြစ်ထွန်းဘူး ပြောလည်း မခံနိုင်စရာ မရှိပါဘူး။ ကွကို ကြိုက်လို့တိုးတာ ဘာဖြစ်လဲ။ နူးနူးညံ့ညံ့ နွေးနွေးထွေးထွေးလေး။

            အဲ့ဒီအချိန်တုန်းကရော အခုထက်ထိရော လက်တွေ့ဘဝမှာ ကိုယ်ကျင့်သုံးနေတဲ့ အရပ်ဘက်တပ်ဘက် ဆက်ဆံရေးဟာ ဘာပြသနာမှ မရှိပါဘူး။ ခင်ခင်မင်မင် ရင်းရင်းနှီးနှီး ဖော်ဖော်ရွေရွေပါပဲ။ အစိမ်းအကျက်တောင် မရွေးမိဘူး။ ဒါပေမယ့် ဖေ့စ်ဘုတ်ပေါ်က ဆက်ဆံရေးကျမှ နဖူးစာမင်ရည်ကျဲသွားတာ ဘာဖြစ်လို့များပါလိမ့်။ ခင်ပြီးသားလူတွေတောင် အားနာစရာကောင်းနေပြီ။ နိုင်ငံရေးတွေ အရောင်ဆိုးလို့နေမှာပေါ့ လို့ မဆိုင်းမတွ ပြန်ဖြေကြပါလိမ့်မယ်။ ကိုင်း ပရိတ်သတ်ကြီး အယောက်တစ်ရာရဲ့ အဖြေကရော ဘယ်လိုလဲ။ ဟုတ်သလား မဟုတ်ဘူးလား။ ပြော။

             ကိုယ့်အဖြေကို ပြောရရင်တော့ ကိုယ့်စိတ်ထဲမယ် စိုသောလက်တွေလည်း မခြောက်သေးသလို ခြောက်သောလက်တွေလည်း မစိုသေးပါဘူး။ သူတို့အားလုံး နဂိုအတိုင်းပဲ ခင်မင်ချစ်ခင်ရင်းစွဲ ရှိပါတယ်။ ဒါဖြင့် စစ်တပ်တစ်တပ်လုံးမှာ ကိုယ်နဲ့သိတဲ့သူတွေသာ အကောင်း၊ ကျန်တဲ့သူ အယုတ္တအနတ္တလို့ သဘောထားရမလား။ အဲ့သလိုတော့လည်း ဘယ်ဟုတ်ပါ့မလဲ။ ဘယ်နေရာမဆို ကောင်းတဲ့သူ မကောင်းတဲ့သူ ဒွန်တွဲနေမှာပဲ။ ကောင်းခြင်း မကောင်းခြင်းဟာ ကိုယ်နဲ့သိခြင်းမသိခြင်းနဲ့ ဆုံးဖြတ်စရာမရှိဘူး။ သူလုပ်တဲ့ သူ့အပြုအမူ၊ သူ့စိတ်နေသဘောထားနဲ့သာ သုံးသပ်ရရိုးထုံးစံရှိတယ်။ ပုထုဇဉ်ပီပီ ကိုယ်နဲ့သိတဲ့သူဆိုရင်တော့ “သည်လူ ငါသိပါတယ်။ ဒါမျိုး လုပ်မယ့်လူမဟုတ်ပါဘူး။”  လို့ပဲတွေးမှာပေါ့။ ၃၆ ဆင်းတွေလည်း သည်လိုပဲ အင်တာဗျူးထဲဖြေကြတဲ့ဟာ။ ဒါပေမယ့် မကောင်းတဲ့သူ တစုံတယောက်အတွက် အဖွဲ့အစည်းတစ်ခုလုံး သိမ်းကျုံးစွပ်စွဲပြစ်တင်ခံရပြီဆိုရင်တော့ ဘယ်သူကမှ ရဟန္တာစိတ်ကလေးနဲ့ “သူပြောတာလည်း ဟုတ်မှာပဲထင်။” ဆို ပြုံးနေနိုင်ပါ့မလား။ လက်ညှိုးမကောင်း လက်ညှိုး၊ လက်မ မကောင်း လက်မ၊ တိတိကျကျပြော။ မပြောနိုင်ပဲ အရပ်လာ ပြသနာရှာရင်တော့ လက်နက်မကိုင်တဲ့သူတွေတောင် သူထောင်းငါထောင်း ထွက်ထောင်းလို့ စိစိညက်ညက် ကျေသွားမယ်။ အဲ့ဒီမှာတင် ကိုယ်တို့နှစ်ဦးနှစ်ဘက် အကြားမှာရှိရတဲ့ မေတ္တာပျက်ကြောင်း အတတ်ကောင်းကြီးကို ရှင်းရှင်းလင်းလင်း သွားမြင်မိပါတယ်။

            တဘက်ကလူတွေမှာ ကိုယ်လည်းမဟုတ်ပဲနဲ့ နင်မဟုတ် နင့်အဖေ သိမ်းကြုံးမုန်းတီး နာကျည်းစွပ်စွဲခံရတာ ဘယ်ကြိုက်မလဲ။ သူတို့လည်း တာဝန်အရ လုပ်နေရတဲ့ဥစ္စာ။ မသကာ ရတုန်းရခိုက် အခွင့်အရေးကလေးတွေ မှိန်းပြီး ယူမိရုံအပြင် ဘာမှလွန်လွန်ကျူးကျူး လုပ်မထားဘူး။ ဒါလည်း စားထိုက်လို့စားရတာ မဟုတ်ဘူးလား။ သည်လိုနေရာမျိုးရောက်ဖို့ ဘယ်သူက သူတို့လို သက်လုံးပုံ ဘဝလုံးအပ်ပြီး ဦးဆွေးဆံမြေ့ ခိုင်းသမျှ မငြီးမငြူ လုပ်ပေးနိုင်လို့လဲ။ ဘယ်သူမဆို သူတို့နေရာရောက်ရင် အဲ့ဒါ ကိုယ်တိုင်ရင်းနှီးထားရတဲ့ အသီးအပွင့် လို့ပဲ မြင်မယ်။ မယုံ နောက်လူအပ်ကြည့်။ သာမဆိုးရင် ခေါင်းလာဖြတ်ယူ လို့ ရဲရဲကြီး အာမခံဝံ့တယ်။ ကိုယ်ကလည်း သူတို့တတွေ စားနိုင်သောက်နိုင် သုံးနိုင်ဖြုန်းနိုင်တာကို ဘယ့်နှယ်မှ သဘောမထားပါဘူး။ မနာလိုစရာကို မရှိဘူး။ သူတို့လိုစားချင် အစောကြီးကတည်းက သူတို့လမ်းလိုက်နိုင်သားပဲ။ ကိုယ်ရွေးတဲ့လမ်း ကိုယ်လျှောက်တာ။ သာတယ်နာတယ် ဘာမှ နှိုင်းယှဉ်စရာမလို။ အဘတို့တတွေ ချမ်းသာတော့ စနှိုက်ကျော်မလေးတွေ ကောင်းစားမယ်။ ဆယ်လီချောချောလေးတွေ လင်ကောင်းသားကောင်း ရမယ်။ (ပြီးမှ ဒူးနဲ့မျက်ရည်သုတ်ချင်သုတ်၊ မင်္ဂလာဆောင်တဲ့အချိန်တော့ ပြုံးမော်နေစေရမယ်။) အဲ့လိုလူတွေအလယ်မှာ အလုပ်အကိုင်အခွင့်အလမ်းတွေ အများကြီးပေါ်လာမယ်။ ရန်ကုန်ဆိုတာ မုန့်ဟင်းခါးတစ်ပွဲ ပေါက်စီတစ်လုံးကို သောင်းဂဏန်းတောင်းပြီး ရောင်းလည်း ကျိတ်ကျိတ်တိုး အလှည့်စောင့်စားရတဲ့ လူကုံတံရပ်ကွက်ကလေးတွေ ဖြစ်လာမယ်။ ဘာမှမစားပဲ ရေဝင်သောက်ရင်တောင် ဝင်ကြေး ငါးထောင်တစ်သောင်းပေးရတဲ့ ကာဖီဆိုင်တွေ ခေါင်မိုးပေါ်တက်ကုန်ပြီလေ။ ကိုယ့်တိုင်းပြည်ကလူတွေ ချမ်းသာတာ အပြင်ကိုရောက်သွားတဲ့ပိုက်ဆံမဟုတ်ဘူး။ လက်ခုပ်ပြည့်တော့ လက်ကြားယိုပြီး အထဲမှာတင် လည်ပတ်နေလိမ့်မယ်။ ဒါကြောင့် အဘတို့ချမ်းသာတာ၊ အဘတို့သားတွေမြေးတွေ အစိန္တေယျ အပမေယျ ကြွယ်ဝတာ ဘာမှ မနာလိုစရာ မရှိဘူး။ ကဲရီးအွန်။ အားပေးတယ်။ ချသာချ။ အတိတ်ကပြုထားတဲ့ကုသိုလ် လို့ပဲ အောင့်မေ့တယ်။

           ဒါပေမယ့် ကိုယ်မခံနိုင်တဲ့ နာကျည်းချက်တွေက တကယ်တမ်းကျ ကိုယ်နဲ့ ဘာမှတောင် မပတ်သက်ဘူး။ ဖုန်းမော်သေတာ လက်မခံနိုင်ဘူး။ ကိုပါကြီးသေတာ လက်မခံနိုင်ဘူး။ ဒေါ်ခင်ဝင်းသေတာ၊ ဦးကိုနီသေတာ၊ အခုနောက်ဆုံး ဆိုင်ကယ်စီးရင်း အသားလွတ်ကြီး တာဝန်ယူမယ့်သူ မရှိပဲ သေနတ်မှန်သေတာ၊ အဲ့ဒါတွေကို ဘယ်ဟာမှ လက်မခံနိုင်ဘူး။ အဲ့ဒီလူတွေသေရတာ ဘယ်သူ့မှာ တာဝန်ရှိသလဲ။ ဘယ်သူကမှ တာဝန်မယူတာတော့ သေချာတယ်။ သူတို့အားလုံး တရားဥပဒေရဲ့အစောင့်အရှောက် မရပဲနဲ့ သေဆုံးသွားခဲ့တယ်။ “အောင်မယ်။ လူလေး ငါးယောက်မပြည့်တာ လာစာဖွဲ့နေတယ်။ စစ်တပ်ထဲ မင်းတို့ အဲသလိုစော်ကားတဲ့စာမျိုးရေးနိုင်ဖို့ အသက်ပေးခဲ့ရတာ ရေတောင်မရေနိုင်။” သူတို့ကတော့ အဲသလိုပဲ တွေးမယ်လေ။ ကိုယ်ကတော့ ကျဆုံးလေပြီးသော စစ်သည်အပေါင်းတို့ကို အလေးပြုချင်ပြုမယ်။ စစ်နဲ့ဘာမှ မပတ်သက်တဲ့ အရပ်သားတွေဆီ သေနတ်ပြောင်းဝလှည့်တာတော့ ခြေသလုံးပြေးမဖက်ချင်ဘူး။ သူတို့ခမျာ စစ်ဖြစ်လို့ မြေစာပင် ဖြစ်ရတာတောင် မဟုတ်ဘူး။ ဘယ်သူ့ကြောင့် ဘာ့အတွက် သေရတယ်ဆိုတာ စကားတောင်စပ်လို့ အမေးမခံပဲ တော်စေတန်စေတိတ်စေ နဲ့ အတင်းငြိမ်းခိုင်းတယ်။ သေတဲ့သူတွေကိုသာ အကာအကွယ်မပေးနိုင်တာ၊ မှန်ကန်မျှတတဲ့ တရားစီရင်မှု မပေးနိုင်တာ။ သတ်တဲ့သူတွေကိုတော့ အပြည့်အဝ ကာကွယ်စောင့်ရှောက်မှု ပေးထားတယ်။ ကိုနီသေတာ တပ်နဲ့ဘာမှ မသက်ဆိုင်ဘူး ဆိုပေမယ့် မိထားသမျှက တပ်ထွက်တွေ၊ တပ်ကိုမှီတဲ့ စီးပွားရေးလုပ်ငန်းတွေကို အစစ်အဆေး အစည်းအကြပ်မရှိ လုပ်ကိုင်နေသူတွေ။ ကြိုးကိုင်စေခိုင်းသူက မြန်မာပြည်မှာ ထိပ်တန်း စစ်တပ်အရာရှိကြီးတွေနေတဲ့အရပ်မှာ အပ်ချလောင်းဆို အစအနပျောက်သွားတာ။ ပြီးတာနဲ့ ခြေရာဖျောက်တဲ့ ကဝေအတတ်တွေနဲ့ လှည့်စားလိုက်ကြရော။ ဘုရားသူခိုး လူသတ်သမားကို ဘုန်းကြီးကိုယ်တိုင်က ဘုရားအလောင်းကဲ့သို့ စွန့်စားတော်မူပါပေတယ်ဆို လက်အုပ်လှမ်းချီတယ်။ ဘာသာ သာသနာအတွက် သတ်ရပါတယ်ဆိုပြီး လူသနားအောင် ဒရာမာချိုးတယ်။ ရဲတွေကိုယ်တိုင်က ဘယ်တော့မှ ဖမ်းမမိတော့ပါဘူးဆိုပြီး အမှုပိတ်သိမ်းချင်နေတယ်။ တကယ်ဆို သူ့မမိလည်း သူ့ခိုင်းတဲ့သူ မိနေမှဟာ၊ သူကတဆင့် နောက်ကွယ်မှာ ဘယ်သူရှိသလဲ စုံစမ်းလို့ရလျက်သားနဲ့ သည်လောက်နဲ့ပဲ ကျေနပ်ပါ ဇာတ်သိမ်းခိုင်းနေတယ်။ ဖြစ်သမျှ အဖြစ်အပျက်တိုင်းမှာ တာဝန်ရှိမှန်း တာဝန်မကင်းမှန်း သိသိကြီးနဲ့ တာဝန်လည်း မယူ တာဝန်လည်းမခံဘူး။ သူနဲ့ဘာမှ မပတ်သက်သလိုနေတာတောင် မဟုတ်။ “ဒီနေရာက ဆက်မလိုက်နဲ့။ လှည့်ပြန်။” ဆိုပြီး စည်းသုံးတန်တားထားတယ်။

            ဒီကလည်း မုန်လာဥသာ စားချင်စားမယ်။ မုန်လာဥလုပ်တာတော့ မကြိုက်။ ဒီလူတွေအတွက် ဘယ်သူ့ကို အပြစ်တင်ရမလဲ။ အပြစ်တင်စရာလူမရှိရင် တာဝန်ရှိတဲ့အဖွဲ့အစည်းကို စွပ်စွဲပြစ်တင်ဖို့ပဲ ရှိတယ်။ အဲ့သလိုလည်း အပြစ်တင်မခံနိုင်ဘူး။ ဥပဒေလက်တံကို သူတို့အထဲလည်း အဝင်မခံနိုင်ဘူး။ “ဝမ်းနည်းပါသည်။ နောင် သည်လိုမဖြစ်စေရပါဘူး။” ဆိုတဲ့ ဖြေသိမ့်နားချ စကားကလေးတောင် မကြားရ။ အဲသမှာတင် အမြင်တွေအကြားတွေ ခါးတာခါးတာဆိုတာလေ။ လောက်ကိုင်မှာ အတုံးအရုံးတဲ့ဆိုလည်း ကိုယ်နဲ့ဘာမှ မပတ်သက်သလိုနေတတ်လာတယ်။ စစ်ဗိုလ်လေးတွေ ဓါတ်ပုံလေးထောင်၊ ကုတင်ပေါ် ယူနီဖောင်းလေး အစန့်လိုက်တင်ပြထားလည်း မထုံတက်တေး ကျော်ဖတ်တတ်လာတယ်။ ဆေးရုံပေါ်မယ် မိန်းမလက်ကလေးကိုင် မျက်ရည်တောက်တောက်ကျပြတဲ့ စစ်ဗိုလ်ဆို ရယ်တောင် ရယ်မိသေး။ သူတို့နဲ့တော့ ဘာမှ မဆိုင်မှန်း သိသားပဲ။ ဒါပေမယ့် တရားကို နတ်ကမစောင့်နိုင်တဲ့အခါ ကိုယ့်ဘာသာကိုယ်ပဲ စောင့်တတ်သလို စောင့်ပလိုက်တယ်။ ဘယ်သူ့ကိုမှလည်း အပြစ်မတင်ဘူး။ ဘယ်သူ့ကိုမှလည်း မေတ္တာမရှိဘူး။ စိတ်ဓါတ်တွေ ရေစက်တွေ ကုန်ခမ်းသွားတယ်။ ဒီလိုလူ ဘယ်လိုနှလုံးသားနဲ့ စစ်ကားကြည့်ပြီး ခံစားရပါ့မလဲ။

            မကြည့်ချင်နေပေါ့။ မကျေနပ်လည်း အဲ့သမှာ ဖင်နဲ့ငုတ်နဲ့ မသေမချင်းထိုင်ဆောင့်ပြီး ကိုယ့်ဘာသာကိုယ်သေ။ ကိုယ့်ဘယ်သူမှ အရေးတယူ အဖက်လုပ်စရာ မရှိဘူး။ ကိုယ်မချစ်လည်းနေ။ မြန်မာပြည်မှာ သူတို့ချစ်မယ့်သူတွေ များလွန်လွန်းလို့ ခါချနေရတယ်။ ဘယ်နေရာမဆို သူ့လူနဲ့ သူ့ပရိသတ် ရှိတာချည့်ပဲ။ ကောင်းပါတယ်။ ကြည့်ကြပေါ့။ ကြိုက်ကြပေါ့။ လိုအပ်ပါတယ်။ တပ်မတော်ကြီးကို ပြည်သူတွေက ချစ်ချင်ချစ် မချစ်ချင်နေ။ တပ်မတော်သားတွေကိုယ်တိုင်က ချစ် ချစ် ချစ် ချစ် နဲ့ မြည်နေဖို့လိုတယ်။ အဲသည်အတွက် ပီယဝါစာ ချစ်ဖွယ်သောစကားလေးတွေ၊ ရူပါရုံ သဒ္ဒါရုံ အချောအလှလေးတွေ၊ ကြက်သီးမွေးညင်းထပြီး အသားတွေတောင် တဆတ်ဆတ်တုန်တယ် ဆိုတဲ့ ခံစားမှုကလေးတွေ လိုတယ်။ အဲသည်တော့ ရိုက်ကြပေါ့။ ဘာဖြစ်လဲ။ သူတို့အရပ်နဲ့ သူတို့ဇာတ် လက်ခံအားပေးတာ ကောင်းသားပဲ။ တပ်ထဲကလူဆိုတာ ကိုယ့်လိုမျိုး ရေစက်ကုန်တဲ့အတွေးမျိုးတွေးရင် အသားထဲကလောက်ပဲ။ အရှင်ကိုမထားအပ်ဘူး။ ဒါကြောင့် အဲ့လိုအတွေးမျိုးမဝင်အောင်၊ ကိုယ့်အလုပ်ကိုယ် ချစ်တဲ့ ကိုယ်ခံအားကောင်းနေဖို့လိုတယ်။ ဒါကြောင့် ကြည့်။ ယုံယုံကြည်ကြည်နဲ့ကြည့်။ လှိုက်လှိုက်လှဲလှဲ ခံစားပြီးတော့ကြည့်။ သူတို့လည်း သူတို့လှေကြီး ပဲခူးရောက်ရောက် ပုဂံရောက်ရောက် မှောက်ကာမှမှောက်ရော့ တက်ညီလက်ညီ ကြိုးစားပန်းစား လှော်နေတာ။ မလိုက်ချင်တဲ့ကောင် နေခဲ့။ ကန့်လန့်ကန့်လန့်လုပ်လာရင် လှေပေါ်က ကန်ချပစ်ခဲ့မှာ။ အလို သူတို့လည်း ကိုယ်နဲ့ ရေစက်ကုန်နေမှပဲကိုး။ ဝမ်းမနည်းလိုက်တာ။

             အစကတည်းက ပြောခဲ့ပါတယ်လေ။ သည်လိုအတွေးမျိုးတွေး သည်လိုစာမျိုးရေးဖို့ဆိုတာ တော်ရုံအစွန်းမရောက်ပဲနဲ့ ရကိုမရဘူး။ တော်တော်ကို အစွန်းရောက်လာလို့သာ သည်ဘူတာဆိုက်ကုန်တာ။ အဲ့ဒါကြောင့် ဘယ်နေရာမှာ လမ်းလွဲခဲ့တာလည်း နောက်ကြောင်းပြန်ကောက်ကြည့်တဲ့အခါ ရေစက်ကုန်ရခြင်း အကြောင်းရင်းကို သွားတွေ့တာ။ အရေးမကြီးပါဘူးလေ။ မဖုတ်လောက် မသုတ်လောက်၊ ရွာပြင်ကအရူး သိုက်စာရွတ်သလို သူ့ဘာသူ ဘလွတ်ရွှတ်တ လျှောက်ဖွနေတဲ့ဟာ အဖက်ကို လုပ်စရာမလိုဘူး။ အလကား။ ရဲမိုးလောက်တောင် ဖတ်သူမရှိ။ ဒါပေမယ့် အဲ့ဒီအရူးလိုကောင်တွေ များများလာပြီဆိုရင်တော့ ကိုယ့်ဘာသာ ဆက်စဉ်းစား။ ပဲခူးရောက်လုပလား။ ပုဂံရောက်လုပလား။ တနေရာမဟုတ် တနေရာတော့ ရောက်ကိုရောက်ရမှာ။ ဘယ်ရောက်ရောက် ရောက်ရား။ မာလိန်မှူးကြီးက ရိက္ခာစုံတင် ဟတ်စကီးနဲ့ ပျံတော်မူသွားပြီး လှေထိုးသားတွေချည့် လှေခွက်နဲ့အလံ ချန်မထားခဲ့ဖို့တော့ လိုမှာပေါ့နော့။

(သင်ခန်းစာ။ မရေးပဲထားခဲ့တာက ပိုကောင်းတယ် မဟုတ်ဘူးလားလို့။)

Credit to Saya Soe Min

Filed under Articles, Asia Entertainment, Knowledge Base | Be the first to comment! » (မြန်မာလိုလဲ ကွန်မန့် ပေးနိုင်ပါပြီ)

Join shwedarling.com mailing list

email:

Powered by NotifyList.com
Page 1 of 1,4011234567...Last »

Recent Posts


သံသရာတစ်ကွေ့ဝယ်။ ။
Filed under Knowledge Base, Myanmar/Burmese on March 28, 2017

Joke of the day
Filed under Beauties & Hunkies & Couples on March 28, 2017

“ရေစက်”
Filed under Articles, Asia Entertainment, Knowledge Base on March 26, 2017

Congrats! to Thar Nge
Filed under Asia Entertainment, Beauties & Hunkies & Couples on March 26, 2017

Funny! Myanmar Police
Filed under Asia Entertainment, Beauties & Hunkies & Couples on March 26, 2017

Fishy Tayzar Linn
Filed under Articles, Asia Entertainment, Beauties & Hunkies & Couples on March 22, 2017

Hot News about May Htut Khaung’s Fashion
Filed under Asia Entertainment, Beauties & Hunkies & Couples on March 21, 2017

“အကယ်ဒမီရင်ခုန်သံ”
Filed under Articles, Asia Entertainment, Notes on March 19, 2017

“ဖီလင် ၂၉”
Filed under Articles, Asia Entertainment, Knowledge Base, Myanmar/Burmese, Notes, shweDarling on March 14, 2017

Happy Birthday To Ba Ba U Tin Oo
Filed under Asia Entertainment, Beauties & Hunkies & Couples, Free Burma on March 13, 2017

Respectful Lady!
Filed under Asia Entertainment, Knowledge Base on March 10, 2017

Please protect your enviroment!!
Filed under Articles, Asia Entertainment, Knowledge Base on March 9, 2017

Whan & Sai Sai
Filed under Asia Entertainment, Beauties & Hunkies & Couples on March 7, 2017

Ma Htet ‘s Swimwear fashion
Filed under Asia Entertainment, Beauties & Hunkies & Couples on March 5, 2017

Ye Naung ရဲ့ အိမ်​အပြန်​ ခရီး
Filed under Asia Entertainment, Beauties & Hunkies & Couples on March 4, 2017

Cartoon of the day
Filed under Blogroll, Knowledge Base on March 1, 2017

လူငယ်​​လေးများ အဖွဲ့
Filed under Articles, Knowledge Base, Notes, shweDarling on February 27, 2017

အားကျ ​လေးစား ဖွယ်​ ဆရာမကြီး
Filed under Articles, Asia Entertainment on February 22, 2017

Bubble Shooter Game ( Play more Games )

International Prepaid Cards

မြန်မာနိုင်ငံကို ဖုန်းခေါ်ကြမယ်

Burmese-English Dictionary
Featured sites
Myanmar Entertainment
Free Flash Games
Advertise here
Live Search
Categories
Recent Comments
Archives
Myanmar Blogs
Misc.
Korean Friend Finder - Free Sign Up!

web page hit counter

You might also like...
Most popular posts
Have you read these?