Myanmar Blog » Articles, Notes » ရွေမြန်မာ ဘယ်လဲ.. ဘာလဲ

ရွေမြန်မာ ဘယ်လဲ.. ဘာလဲ

ဆောက်လုပ်ရေးလုပ်ငန်းခွင်မှာ အုတ်ကျိုးသယ်- မဆလာရွက် တဲ့ အလုပ်သမလေး တစ်ယောက် နေ့စားခ တစ်ရက် သုံးထောင်ရတယ်။ သူ့အသိုက်အမြုံကနေ လုပ်ငန်းခွင်ကိုရောက်ဖို့ ဘတ်စ်ကားခက အသွားအပြန် တစ်ရက် ခြောက်ရာကုန်တယ်။

ဒါတောင် ဘတ်စ်ကား ဂိတ်ကနေ သူ့အိမ်ကို နှစ်ဖာလုံလောက် လမ်းလျှောက်ပြန်လို့။ ဆိုက်ကားငှားစီးရင် အသွား အပြန် တစ်နေ့ လေးရာကုန်မယ်။

နေ့တွက်လုပ်အားခရဲ့  သုံးဆယ်ရာခိုင်နှုန်းက အဲသလို ဘာမဟုတ်တဲ့ ခရီးစားရိတ်အောက်မှာ စုန်းစုန်းမြုပ်သွားရှာတယ်။

နေ့လည်စာ ထမင်းဟင်း ဖြစ်သလို စားအုံးတော့ ခြောက်တီးခြောက်ချက် လမ်းဘေးဆိုင်က တစ်ခါပြင် ငါးရာ..။ တစ်နေ့ နှစ်နပ်.. မနက်စော ဘရိတ်မဖတ်ရင်တောင်မှ.. ၀င်ငွေရဲ့  နောက်ထပ်သုံးဆယ်ရာနှုန်း ပျက်ပျက်ပြုန်း ရပြန်တယ်။

မုန့်ပဲသရေစာလေး ဘာလေးညာလေးစား- လမ်းဘေးပုံရောင်းတဲ့ ဘာလေးညာလေး တစ်ရာဖိုးနှစ်ရာဖိုး ကောက်ကိုင်

လိုက်ပြန်တော့.. အလုပ်ကအပြန် သူ့အိပ်ထောင်ဟာ အလာကလိုပဲ ဟောင်းလောင်း။

အိုစာမင်းစာဝေးလို့- လတ်တလောနှာစေးချောင်းဆိုး ဖြစ်ရင်တောင် လမ်းဘေးဆေးဆိုင်က စပ်ဆေးတစ်ခွက်စာ ၀ယ်သောက်ဖို့ သူတို့အတွက် ခဲယဉ်းလှတယ်။

မနက်လင်းတာနဲ့- ခြံဝက တိုးဝှေ့ထွက်- စားကျက်ကိုသွား- စားသောက်ပြီး ညနေစောင်းတာနဲ့ ဗိုက်၀၀-မ၀၀ ခြံထဲ ပြန် မောင်းသွင်းခံရတဲ့ ကျွဲတွေ၊ နွားတွေနဲ့ (မနှိုင်းကောင်းပေမယ့်) သူတို့ဘ၀ သိပ်မကွာတော့ သလိုပဲ။

တစ်ရက် ငွေသုံးထောင်ဆိုတာ သူတို့အတွက် မသေရုံတမယ် survival earning အဆင့်ပဲ ရှိတယ်။

ဒါတောင် တစ်လရက်သုံးဆယ်နဲ့ တွက်ရင် သူတို့လစာက.. ကိုးသောင်းလောက်ရှိတယ်။ ပိတ်ရက်အနေနဲ့ တစ်ပတ် တစ်ရက်လောက် နားအုံးတော့ တစ်လ ရှစ်သောင်းဝင်းကျင်- ဒေါ်လာတစ်ရာနီးပါး ၀င်ငွေပဲ။

မြန်မာပြည်က ဈေးချိုတဲ့ လုပ်အားခကို မျှော်တွေးပြီး လာရောက်ရင်းနှီးမြုပ်နှံသူတွေအနေနဲ့ သူ့ဝန်ထမ်းကို တစ်လ ဒေါ်လာတစ်ရာအထက် ပိုမပေးနိုင်ဘူး။ အထူးသဖြင့် labor intensive industry တွေဖြစ်တဲ့ အထည်ချုပ် စက်ရုံ၊ ဖိနပ်စက်ရုံ၊ ပီနံအိတ်စက်ရုံတွေမှာ ရှိတဲ့ဝန်ထမ်းအင်အားက ထောင်ချီနေတာမို့.. တစ်ယောက်ကို ဒေါ်လာငါးဆယ်လောက် တိုးပေးရင်ကိုပဲ တစ်လတစ်လ ဒေါ်လာ သိန်းဂဏန်းလောက် အပိုဆောင်းသွားမှာမို့ သူတို့အတွက်လဲ မျက်ဖြူဆိုက်တဲ့ကိန်းပဲ။

ဒီကြားထဲ စက်မှုဇုန်မြေဈေးက စကြာဝဠာမှာ အများဆုံးလောက် ဖြစ်နေတော့.. ဒေါ်လာသန်းဂဏန်းလောက်နဲ့

မြန်မာပြည်လာတဲ့ FDI (foreign direct investment) တွေခမျာ့ မြေဈေးနဲ့တင် ပါလာသမျှ နိဌိတံသွားမှာမို့ အောင်မြင်စွာ တချို့ ဆုတ်ခွါသွားကြတယ်။

တချို့ ကတော့ ရှိပြီးသား စက်ရုံအလုပ်ရုံလေးတွေကိုပဲ နှစ်တိုနှစ်ရှည်ငှားရမ်းပြီး တချိန်ကောင်းလာနိုးနဲ့ စိတ်လက်ရှည်ရှည်ထားပြီး ရင်းနှီးမြုပ်နှံမှု လုပ်ကြတယ်။ ဒါပေမယ့် နိုင်ငံတိုးတက်ဖို့အတွက် လုံလောက်တဲ့ စက်မှု လှိုင်းလုံးအထိတော့ ဖြစ်မလာပါ..။

ဒီလိုပဲ ကျီးနဲ့ဖုတ်ဖုတ် ဟိုနားဒီနား စက်မှုဇုန်တစ်ခွင် ဟိုတစ်စဒီတစ်စ မီးခိုးအူတာလောက်ထက် မပိုဘူး။

အကျိုးဆက်ကတော့ ၀န်ထမ်းတွေဖက်ကလဲ မသေရုံတမယ်လုပ်ခလစာကို မက်လောက်စရာလို့ မမြင်တော့ စိတ်ပါလက်ပါ အလုပ်ကို အားထည့်လုပ်တာမျိုး ရှိမလာတော့ဘူး။ အခု စိတ်မပါ.. အခုထွက်တယ်။ အလုပ်ရှင် အလုပ်သမား သဘောတူစာချုပ် ဘယ်လိုပဲ ရှိရှိ .. ဂရုကို မစိုက်ဘူး။

နေ့စဉ်ဘ၀တွေက ထွက်ပေါက်မဲ့ပြီး မွန်းကျပ်နေကြတော့ .. ဒီနေ့ပွဲလမ်းသဘင်ရှိရင်.. တစ်ရပ်ကွက်လုံး အလုပ်မသွားဘူး။ ဘုရားပွဲရှိရင် တစ်ရပ်ကွက်လုံး ခွင့်မဲ့ပျက်ကွက်တယ်။ မနက်ဖန်ကို သိပ်တွေးနေစရာမလိုဘူး။ မသကာ ယုတ်စွအဆုံး တစ်ရက် ထမင်းငတ်ရုံပေါ့..။

ဒီအတိုင်းလဲ ခြေချော်လက်ချော်ဖြစ်ပြီး နေထိုင်မကောင်းရင် .. အလုပ်မသွားနိုင် ငတ်နေကြပဲကိုး။

တချို့ လဲ လောကဓံကို ကြိတ်မှိတ်မကျော်ဖြတ်နိုင်တဲ့အဆုံး အလွယ်လမ်းလိုက်ပြီး ကာရာအိုကေ-စင်တင် အနှိပ်ခန်း ကနေ နောက်ဆုံး ဖာတန်းမှာ ဂိတ်ဆုံးကြတော့တယ်။

တခြား ဇိမ်ခံစရာလဲ ထူးမရှိတော့.. မွေးရာပါ ဖွားဖက်တော်နဲ့ သူ့လင်ကိုယ့်မယား၊ ကာမေသုတဲ့ ကိစ္စတွေကလဲ သူတို့လောကမှာ သိပ်မထူးဆန်းတော့ဘူး။

တိုင်းပြည်စီးပွားရေးက လွန်ခဲ့တဲ့နှစ်နှစ်ဆယ်ထက် ပိုကောင်းမလာသော်ငြား စက်မှုဇုန်တွေမှာလွန်ခဲ့တဲ့နှစ်နှစ်ဆယ်

က လုံးဝမရှိခဲ့တဲ့ ဖာတန်းက ပေါ်ပေါ်တင်တင် ဖြစ်ထွန်းလာတယ်။

ညနေစောင်းတာနဲ့ နီယွန်မီးရောင်စုံတောက်ပနေတဲ့ တည်းခိုခန်း အနှိပ်ခန်း ကာရာအိုကေ ဘာညာကွိကွတွေ နိုးထလာပြီး စက်မှုဇုန်ရဲ့  night-life အဖြစ် တစ်ညလုံး အသုံးတော်ခံတော့တယ်။

အရာအားလုံးဟာ လိုအပ်ချက်အရ ဖြစ်ပေါ်လာကြတာ လို့ ဆိုနိုင်ပေမယ့် သူတို့ ပျော်ကြ၊ပါးကြ တာဟာ ကြိုးမိန့်ကျထားတဲ့သူရဲ့  နောက်ဆုံးအပျော်မျိုးနဲ့ သိပ်တူလာတယ်။

ရှင်သန်နေတဲ့ ဘ၀က မျှော်လင့်စရာ လောက်လောက်လားလားမရှိ၊ အနာဂါတ်မဲ့၊ ထွက်ပေါက်မဲ့နေတဲ့ အခြေအနေအောက်မှာ ပစ္စုပ္ပန်ကိုတည့်တည့်ရှုပြီး နေရသခိုက်.. ပျော်ပျော်နေတာပဲ အေးတယ် ဆိုတဲ့ စိတ်အခြေခံနဲ့ ပျော်သလို နေပစ်လိုက်ကြတော့တယ်။

ဟိုနားဒီနား လူစုလူဝေးနဲ့ အုပ်စုဖွဲ့တာမျိုးလဲ သိပ်လွယ်လွယ်လုပ်တတ်လာတယ်။ တရားတာ-မတရားတာတွေကို ထည့်တွက်စရာရယ်လို့လဲ ဘယ်သူမှ မတွေးချင်ကြတော့ဘူး။ တွေးလဲ မတွေးတတ်တော့ဘူး..။

အရင်းစစ်တော့ တိုင်းပြည်စီးပွားရေးမှာ အဆုံးသတ်တာပါပဲ။ တိုင်းပြည်စီးပွားရေးကလဲ ပဲ့ကိုင်သူကလဲ လှော်ချင်သလိုလှော်- ပါလာတဲ့ ခရီးသည်ကလဲ နေချင်သလိုနေနေတဲ့ လှေလိုဖြစ်နေရှာတယ်။ လိုရာခရီးရောက်ဖို့ ဝေးလို့၊ ဘယ်အချိန်မြုပ်သွားမလဲဆိုတာကိုပဲ ရင်တမမနဲ့ ဘုရားတနေရတဲ့အဖြစ်..။

အဲသလိုနဲ့ မွဲသက်တွေလဲ ရှည်လို့..။ ဖာသက်တွေလဲ ရှည်လို့..။ လူ့တန်ဘိုး- စံနှုန်း- သရုပ်သကန်တွေလဲ ယိုင်နဲ့ လို့..။

ရွှေမြန်မာတို့ ဘ၀များ… ဘယ်သောင်ဘယ်ကမ်း ဆိုက်ရပါ့ ??

by Ko Navana (Notes) on Tuesday, March 19, 2013 at 2:49pm

ko Navana logoKo Navana facebook မှကူးယူဖော်ပြပါသည်

1 Star2 Stars3 Stars4 Stars5 Stars (No Ratings Yet)
Loading...

Social Bookmarking: del.icio.us:ရွေမြန်မာ ဘယ်လဲ.. ဘာလဲ digg:ရွေမြန်မာ ဘယ်လဲ.. ဘာလဲ spurl:ရွေမြန်မာ ဘယ်လဲ.. ဘာလဲ wists:ရွေမြန်မာ ဘယ်လဲ.. ဘာလဲ simpy:ရွေမြန်မာ ဘယ်လဲ.. ဘာလဲ newsvine:ရွေမြန်မာ ဘယ်လဲ.. ဘာလဲ blinklist:ရွေမြန်မာ ဘယ်လဲ.. ဘာလဲ furl:ရွေမြန်မာ ဘယ်လဲ.. ဘာလဲ reddit:ရွေမြန်မာ ဘယ်လဲ.. ဘာလဲ fark:ရွေမြန်မာ ဘယ်လဲ.. ဘာလဲ blogmarks:ရွေမြန်မာ ဘယ်လဲ.. ဘာလဲ Y!:ရွေမြန်မာ ဘယ်လဲ.. ဘာလဲ smarking:ရွေမြန်မာ ဘယ်လဲ.. ဘာလဲ

Get notified by email when shweDarling.com blog is updated! CLICK HERE!

Leave a Reply - မြန်မာလိုလဲ ကွန်မန့် ပေးနိုင်ပါပြီ

You must be logged in to post a comment.

International Prepaid Cards

မြန်မာနိုင်ငံကို ဖုန်းခေါ်ကြမယ်

Burmese-English Dictionary
Featured sites
Myanmar Entertainment
Free Flash Games
Advertise here
Live Search
Categories
Recent Comments
Archives
Myanmar Blogs
Misc.
Korean Friend Finder - Free Sign Up!

web page hit counter