Myanmar Blog » Articles, Notes » “တေးဆိုလို့ ချော့ပါ့မယ်” – ဆရာစိုးမင်း (ငွေစန်းရောင်)

“တေးဆိုလို့ ချော့ပါ့မယ်” – ဆရာစိုးမင်း (ငွေစန်းရောင်)

မနေ့တနေ့ကမှ ဘုရားသခင်ထံမှောက် ရောက်ရှိသွားလေသူ ဗြိတိသျှ ၀န်ကြီးချုပ်ဟောင်းကြီးကိုတကမ္ဘာလုံးက ပေးထားတဲ့ နံမယ်ကတော့ သံမဏိဘွားတော်ပါတဲ့။ တော်တော် အကြောမာမယ့် သဘောရှိတယ်နော်။သူ့အကြောင်းရိုက်ပြထားတဲ့ Iron Lady ကို ကြည့်လိုက်ရတော့ မာရီစထရိကြီးက ပါးစုံ့ကြီးဖောင်းဖောင်းနဲ့ခပ်မာမာထန်ထန် သရုပ်ဆောင်ပြတာတွေ့ရတယ်။ သက်တမ်းအကြာဆုံးဝန်ကြီးချုပ်လုပ်သွားတဲ့ သူ့လက်ထက်မှာမကြာခဏဆိုသလို နိုင်ငံရေးထိပ်တိုင်ရင်ဆိုင်မှုတွေ၊ အကြမ်းဖက်လုပ်ကြံမှုတွေ ရှိခဲ့တယ်။သူ့အနေနဲ့တော့ အကြမ်းဖက်သမားတွေကို ဘယ်တော့မှ အလျှော့ပေးလိုက်လျောရိုး ထုံးစံမရှိဘူးရယ်လို့ပြတ်ပြတ်သားသား ထုတ်ဖော်ပြောကြားခဲ့တဲ့အတွက် အဲသည်နံမယ်ရသွားသလား မသိပါဘူး။ ကိုယ်တို့အရှေ့တိုင်းမှာလည်း သူ့လိုပဲ ထက်ထက်ထန်ထန် အုပ်ချုပ်သွားတဲ့ ခေါင်းဆောင် မိန်းမသားတစ်ယောက် ရှိခဲ့ပါတယ်။ အင်ဒီယာဂန္ဒီလေ။မိန်းမတန်မဲ့ လက်နက်ကိုင် အကြမ်းဖက်သမားတွေကို မကြောက်မရွံ့ ရဲရဲဝံ့ဝံ့ ရင်ဆိုင်သွားကြတာချီးကျူးပါတယ်။ ဘယ်ကြောက်မလဲ။ သူတို့မှာ စစ်တပ်ရှိတာကိုး လို့တော့ ပြောလို့ရတာပေါ့။ဒါပေမယ့် အဲသလို လက်နက်ကိုင်အဖွဲ့အစည်းကြီးတစ်ခုကို လမ်းမှားမရောက်အောင် မှန်မှန်ကန်ကန်ဆုံးဖြတ်ချက်နဲ့ ညွှန်ကြားချက်တွေ ပေးဖို့ဆိုတာ လွယ်လို့လား။ ဂျူးလိယက်ဆီဇာတောင် သူများကလာသတ်တာမဟုတ်ဘူး။ သူ့တပ်ထဲက၊ သူ့လွှတ်တော်ထဲက လူတွေပဲ သတ်သွားတာလေ။ အင်ဒီရာလည်း ကြွေချိန်တန်တော့သူ့ကိုယ်ရံတော်က ပြန်သတ်တာပဲ။ အဲသလို မဆုံးနိုင်တဲ့ အကြမ်းဖက်လုပ်ကြံမှုတွေဟာ သမိုင်းစာအုပ်ကြီးကိုသွေးတောက်တောက်ယိုတဲ့အထိ ဟိုကသည်က အစမသတ်နိုင်အောင် ဆက်ဖြစ်နေတုန်းပဲ။

စစ်ဆိုတာရှေ့တန်းစစ်မြေပြင်မှာ စစ်သားတွေအချင်းချင်း ဓါးဓါးချင်း လှံလှံချင်း ရင်ဆိုင်တိုက်တဲ့ခေတ်မဟုတ်တော့ဘူး။ ဘယ်သူမဆို ဘယ်နေရာမှာမဆို ဘာမှန်းတောင် မသိလိုက်ပဲ အလစ်အငိုက် ၀င်တိုက်သွားသလိုရက်ရက်စက်စက် ပက်ပက်စက်စက်တွေ တိုက်ကုန်ကြပြီ။ အပြစ်မဲ့တဲ့ပြည်သူတွေကို လို့တော့ မပြောတော့ပါဘူး။ဒါဆို ငါတို့စစ်သားတွေက အပြစ်ရှိလို့ အသေခံနေရမှာလား လို့ အမေးခံနေရဦးမယ်။ သူများနိုင်ငံတွေမှာမှမဟုတ်ပါဘူး။ ကိုယ့်ဆီမှာလည်း အဲသည်အဖြစ်အပျက်မျိုးတွေက မဆန်းတော့ဘူး။ ရန်ကုန်မှာ လူအစည်ကားဆုံးနေရာသုံးနေရာ တပြိုက်နက် ဗုံးကွဲတယ်။ သင်္ကြန်ရေကစားမဏ္ဍပ် နာနတ်သီးစာမိတယ်။ တရားခံကတော့ ဟိုလိုလိုသည်လိုလိုပဲ။ ငါခလုတ်တိုက် ငါနဲ့မတည့်တဲ့အကောင် ခလုတ်ဆင်ထားတာ လို့ ပြောသလို အလွတ်သဘောပြောဆိုစွပ်စွဲတာမျိုးလောက်၊ မသင်္ကာတဲ့သူဖမ်းထောင်ချ၊ သမုတိအတွက် င၀က်ကခံ၊ တော်တန်တိတ်လောက်နဲ့ ပြီးသွားရော။ သူတို့အထဲက ဘယ်သူမှ ထိခိုက်တာမှ မဟုတ်ပဲ။ တဘက်က လုပ်ကြံတဲ့သူတွေကရော။နိုင်ငံရေးအကျိုးအမြတ်၊ စစ်ရေးအကျိုးအမြတ်၊ စီးပွားရေး အကျိုးအမြတ် ဘာတစ်ခုမှ ဟုတ်ဟုတ်ငြားငြားရမလာပဲနဲ့ သေချင်တဲ့သူတွေ သေချင်သလောက် သေစေကုန်သတည်း လုပ်ရတာ ပျော်များနေကြသလား မသိဘူး။ဘယ်ဘုရားသခင်ရဲ့ အဆုံးအမ၊ ဘယ်ခေါင်းဆောင်ရဲ့ အသွန်အသင်၊ ဘယ်မိဘအသိုင်းအ၀ိုင်းမှာ ကြီးပြင်းလာခဲ့လို့သည်လိုလုပ်ရပ်မျိုး ကျူးလွန်နိုင်တာပါလိမ့်လို့ တအံ့တသြ တွေးကြည့်မိပါတယ်။

နောက်ဆုံးတော့လောလောလတ်လတ် မျက်စိအောက်တင် မြင်နေရဆဲ ဘော့စတွန်မာရသွန်မှာ ဗုံးခွဲတဲ့ ရွှေဖျဉ်းညီနောင်ကိုအစဆွဲထုတ်ပြီး သုံးသပ်ကြည့်ကြတာပေါ့။ အငယ်ကောင်ကလေးက ခုမှ ၁၉ နှစ်ပဲ ရှိသေးတယ်။ အဏ္ဏ၀ါဇီဝဗေဒသင်နေတဲ့ကျောင်းသားကလေး၊ သူ့ကျောင်းမှာ သူ့အပေါင်းအသင်းနဲ့သူ ပျော်ပျော်ရွှင်ရွှင်။ Gym ဆော့တုန်း၊Club တက်တုန်း၊ ကိုယ့်ဆီက ဟစ်ဟော့ပ်အဆိုတော်တွေလို ဦးထုပ်ကလေး နောက်ပြန်ဆောင်းလို့။သူ့စိတ်ထဲ ဘယ်က အမုန်းတရားတွေ ရောက်လာပါလိမ့်။ သူ့အကို အင်ဂျင်နီယာက ၂၆ နှစ် ဆိုတာလည်းကိုယ်တွေလိုဆို အိမ်ထောင်တောင် မကျသေးဘူး။ လူပျိုဘ၀ ကျောင်းမပြီးသေးခင်၊ ဘ၀အကြောင်းရေရေရာရာ ဘာတစ်ခုမှ မသိသေးတဲ့အရွယ်။ သူတို့ဆီမှာ အသက်နဲ့ရင်းပြီး လူအမြောက်အများ သေကြေပျက်စီးစေမယ့်အကြံအစည် ဘယ်ကများ သင်ကြားပေးလိုက်ပါလိမ့်။ ဒါကြောင့် အဲသည်မင်းညီနောင် ဘယ်ကလာသတုန်းလို့စပ်စုကြည့်လိုက်တဲ့အခါ လားလား။ ရွှေပြုံးက ကြွလာတာတော်မူတာကပဲ။ ချေချင်းညှာတဲ့။ နံမယ်ကလေးကလှတယ်နော်။ ကမ္ဘာပေါ်မှာ အကြမ်းဖက်သမားတွေ ထွက်ပေါ်လာစေတဲ့ ရေသောက်မြစ်ကြီးဆိုပဲ။ နိုင်ငံတကာသတင်းတွေထဲမှာနားစွန်နားဖျား ကြားဖူးနေတာတော့ ကြာပါပြီ။ အခုတော့ တော်တော်ကလေး စိတ်ဝင်တစား ရှိလာလို့မေးမြန်းရှာဖွေ ဖတ်ရှုရတယ်ဗျ။ အင်ဂျလီနာဂျိုလီကြီးတောင် ရုပ်ရှင်သွားရိုက်ယူရတဲ့ အရပ်ဒေသ။နောင်ကျ တို့ဆီက ငရဲသား အလောင်းအလျာလေးတွေလည်း ရဖြူဂျီနဲ့ နော်ဝေ ဆွီဒင်မသွားပဲ အသေခံဗုံးခွဲပညာတွေသင်ချင်တယ်ဆိုရင် ချေချင်းတွေနဲ့ ခြေချင်းလိမ်ကြရအောင် လေ့လာကြည့်ကြတာပေါ့။

ကမ္ဘာမြေပုံကြီးကိုကြည့်လိုက်ရင်အာရှတိုက်ကြီးရဲ့ မြောက်ဘက်တခြမ်းလုံးကို သိမ်းပိုက်ထားတဲ့ ဆိုဗီယက်ယူနီယံကြီးဆီက(အခုတော့ ရုရှားဖက်ဒရေးရှင်း ဖြစ်သွားပြီ) အနောက်ဘက်နဲ့

တောင်ဘက်အကျဆုံး ပြည်နယ်ကလေးတစ်ခု။ကော့ကေးဆပ်တောင်တန်းကြီးတွေ တည်ရှိရာ၊ ရုရှအတွက်ဆိုရင်တော့ မြွေတွင်းထဲ လက်နှိုက်မိထားတဲ့နေရာ။လက်တကမ်းမှာ ရှိတာကအရှေ့အလယ်ပိုင်း မူဆလင်နိုင်ငံတွေချည့်ပဲ။ အယူသည်းခရစ်ယန်ဘာသာလို့ခေါ်တဲ့ ရုရှားတွေရဲ့ Orthodox ခရစ်ယာန်ဘာသာနဲ့ အမြဲ ကဏ္ဍကောစဖြစ်ခဲ့တဲ့ မူဆလင် ပြည်နယ်တစ်ခုလည်း ဖြစ်တယ်။ ဒါကြောင့်မို့ အဲဒီနေရာမှာ လူမျိုးရေး၊ ဘာသာရေး၊ နိုင်ငံရေး၊ စစ်ရေးတွေကတစ်ခုနဲ့တစ်ခု ထွေးရောယှက်တင်နဲ့ သပွတ်အူလိုက်နေခဲ့တာ ပဝေသဏီကတည်းကပဲ။ လောလောဆယ် အကြီးကြီးကိုက်နေတဲ့မြွေခြောက်ကတော့ ခွဲထွက်ရေးသမားတွေရဲ့ ပြဿနာပေါ့။ အောင်မယ်မင်း အမယ်ဘုတ်ကဲ့ သူ့ချည်ခင်။ဘယ်ကစရှင်းရမှန်းတောင် မသိတော့ဘူး။

အဲသည်ကော့ကေးဆပ်တောင်တန်းကြီးတွေပေါ်မှာလွန်ခဲ့သော နှစ်ပေါင်း ၈၀၀၀ လောက်ကတည်းက ဂူအောင်းလူသားတွေ နေခဲ့ကြတယ်။ သူ့ဘာသူနေခဲ့ကြတဲ့သူတွေကိုဟိုခေတ်မှာ ဟိုလူတွေကလာသိမ်းလိုက်၊ သည်ခေတ်မှာ သည်လူတွေကလာသိမ်းလိုက် သိမ်းခဲ့ကြတဲ့အထဲမှာကိုယ်တို့ အရှေ့တိုင်းဆီက မွန်ဂိုတွေတောင် ပါသေးသတဲ့။ ဂျင်ဂျစ်ခန်ကြီးလည်း အဲသည်က ထိပ်ဖျားပြတ်သွားခဲ့တာနေပါလိမ့်မယ်။ သည်လိုနဲ့ ရုရှားလက်အောက် ခဏရောက်သွားလိုက်၊ အော်တိုမန်အင်ပါယာကြီးဆီကအကူအညီတွေယူပြီး ပြန်ပြန်တိုက်လိုက် လုပ်နေခဲ့ရင်းက ချေချင်းတွေဟာ စွန်နီမူဆလင်တွေဖြစ်ကုန်သတဲ့။ နောက်ဆုံးတော့ ဂျော်ဂျီယာစစ်ပွဲတွေနဲ့ ရုရှားတွေလက်အောက်ကို လုံးလုံးလျားလျားကြီးရောက်သွားပြီးတဲ့နောက် ၁၉၄၄ စတာလင်ကြီးတက်လာတဲ့အခါ ချေချင်းတွေကို တော်တော် မျက်စိစပါးမွှေးစူးခဲ့သတဲ့။သမိုင်းမှာ ချေချင်းစစ်ပွဲကြီး နှစ်ကြိမ်တိုင်တိုင် အကြီးအကျယ် ဖြစ်ပွားခဲ့တာကိုး။နောင်လည်းပဲ သည်ကောင်တွေ ငါ့အမြဲ သူ့ကျွန်မခံပြီ ရိုက်နေဦးမှာပဲဆိုပြီးတော့ ကလေးလူကြီးကျားမမကျန် ကုန်ကားကြီးတွေနဲ့တင်ပြီး အင်မတန်ရာသီဥတုဆိုးတဲ့ အာရှကုန်းတွင်းပိုင်းကိုအတင်းအကြပ် ပြောင်းရွှေ့စေသတဲ့။ မြေပုံပေါ်မှာရှိတဲ့ ချေချင်းသမ္မတနိုင်ငံဆိုတာလည်း တခါတည်းအပြီး ဖျောက်ဖျက်ပစ်လိုက်တော့တယ်။ အဲသည်အပြောင်းအရွှေ့နဲ့တင် ချေချင်းလေးယောက်မှာ တစ်ယောက်သေကုန်တယ်လို့ဆိုတယ်။ အဲလို ဟိုပြေးသည်ပြေး သိမ်ကြီးဈေးမိသားစုထဲကနေ ရွှေဖျဉ်းညီနောင်တို့ ဆင်းသက်လာခဲ့တာတဲ့။

အငယ်ကောင်လေးမွေးတဲ့အချိန်တုန်းက သူတို့ချေချင်းတွေ ပျားတုပ်နေတဲ့ စစ်အတွင်းကာလထဲမှာပါတယ်။ရုရှားကာကွယ်ရေးဝန်ကြီးက ၂၄ နာရီအတွင်း အပြီးတိုင်ခြေမှုန်းပစ်မယ်ဆိုတဲ့ ခွဲထွက်ရေးတိုက်ပွဲမှာချေချင်းတွေ သောင်းနဲ့ချီပြီး သေကြပျက်စီးကြရတယ် လို့ ဆိုတယ်။ အဲဒီတိုက်ပွဲကနေ ထွက်ပြေးရတဲ့ခန့်မှန်းမရနိုင်သော မိသားစုတွေထဲမှာ သူတို့ညီအကို ပါခဲ့တာတော့ အမှန်ပဲ။

boxer

လူ့အသက်ကဖက်ရွက်ကလေးလောက်တောင် တန်ဖိုးထားမခံရတဲ့ မတရားမှုတွေကို လည်စင်းခံလာရတဲ့ ကလေးတွေစိတ်မှာသူတို့က မတရားမှုတွေကို လုပ်ခဲ့ရင်လည်း ဒါဟာ အတုန့်အလှည့်မို့ ဘုရားသခင် အလိုတော်နဲ့မဆန့်ကျင်ဘူးလို့ တွေးကောင်း တွေးကြလိမ့်မယ်။ ကိုယ့်ကျ မတရားလာလုပ်ပြီး ကိုယ်ကမတရားပြန်လုပ်တာကျမှမတရားဘူးလို့ လာအပြစ်မတင်နဲ့ လို့ လူမိုက်ဆင်ခြေလည်း ပေးကောင်းပေးကြလိမ့်မယ်။ သည်လိုနဲ့မိုက်ဇာတ်ကိုသိမ်းရမယ့်အစား မိုက်တယ်ဆိုတာ လွယ်ပါတယ် လမ်းကို ဆက်လျှောက်ကြပြန်ရော။၂၀၀၄ မှာ ချေချင်းတွေဟာ ဘက်စလန်မြို့က မူကြိုကျောင်းကလေးက ကလေးငယ် ၃၀၀ ကျော်ကို တန်ဆာခံအဖြစ်ဖမ်းထားပြီးခွဲထွက်ခွင့်တောင်းတဲ့အထိ ဆင်ကန်းတောတိုး လုပ်ခဲ့ကြတယ်။ ဒင်းတို့လူငယ်တွေ မိုက်တယ်ဆိုတာဟိုက ရာဇပလ္လင်ဖင်ခုထိုင်ထားတဲ့ သေခါနီးကြီးတွေ အိပ်နေသလောက်ရှိတယ်။ ဒီအကောင်တွေက အခုမှသတ်မယ် ဖြတ်မယ် ခြိမ်းခြောက်တတ်တာ။ ဟိုကလူတွေက အဲသည်နေရာကိုရောက်အောင် ယုတ်ကမ်းနည်းမျိုးစုံမသုံးခဲ့ရဘူး ထင်လို့လား။ လူ့အသက်ဆိုတာ သူတို့လို တယ်လီဗီးရှင်းကြီးပေါ်မှာ သတင်းပါလာတော့မှသေမှန်းသိရတာ မဟုတ်ဘူး။ နိုင်ငံရေး ကျားကစားရင်း အသံမထွက်အောင် သတ်ခဲ့ရတာတွေက အံတိုနေပြီ။ပါးစပ်ကတော့ မယ်သံမဏိကြီးလို အကြမ်းဖက်သမားနဲ့ အပေးအယူ မလုပ်ဘူး ပြောတာပေါ့။ ဒါပေသိကျောင်းထဲကို အဆိပ်ငွေ့တွေလွှတ်ပလိုက်တာ တစ်ယောက်မှ မရှင်ဘူး။ လူသုံးရာဆိုတာ နိုင်ငံတော်ကြီးနဲ့မနှိုင်းယှဉ်အပ်ဘူး မဟုတ်လား။ ပူတင်တို့ ယဲ့လ်ဆင်တို့လည်း တို့တာဝန်အရေးကြီး သုံးပါးကိုဦးထိပ်ထားတတ်တာပဲ။ သူတို့လိုချင်တဲ့ နိုင်ငံတော်တည်ငြိမ်ရေး၊ တရားဥပဒေစိုးမိုးရေး၊အချုပ်အခြာအာဏာတည်တံ့ခိုင်မြဲရေး အကုန်ပြန်ရသွားတယ်။ နောက်ပိုင်းမှာ တတိတတိနဲ့ ဟိုနားတစ်ကျိပ်သေသည်နားတစ်ကျိပ်သေ အကြမ်းဖက်မှုတွေကတော့ သတင်းစာတောင် မျက်နှာဖုံးမတင်လောက်တော့ဘူး။

ဒါပေမယ့်အဲသည်ကနေဖိတ်စင်လာတဲ့ ချေချင်းပျောက်ကျားတွေဟာ ဟိုနေရာ အညှောင့်ထွက် သည်နေရာ အညှောင့်ထွက်နဲ့ထွက်ခဲ့တာ ရပ်တော့မသွားခဲ့ဘူး။ ၂၀၁၀ မှာ မော်စကိုက မြေအောက်ဘူတာရုံဗုံးပေါက်တော့ ဖေကြံတာဖေကြံတာနဲ့ ထအော်ကြတယ်။ ဒါတောင် ၂၀၀၈တုန်းက ချေချင်းရွာတွေမှာ အိမ်ပေါက်စေ့ပိုက်စိပ်တိုက်ရှာပြီးလက်နက်ဆိုလို့ အပ်တိုတစ်ချောင်း မကျန်အောင် သိမ်းထားပြီးသား။ တို့ဆီ ဧည့်စာရင်းစစ်သလိုစစ်ကြည့်လိုက်တော့လူပိုလူလျှံမတွေ့ရတဲ့အပြင် အိမ်ရှိလူငယ်လူလတ်တွေတောင် စာရင်းပျောက်နေတာ အတော်များများပဲတဲ့။ဒီအထဲမှာ ဒီဗီမပေါက်ပဲ မန်ဆာချူးဆက်ရောက်သွားတဲ့ ချေချင်းညီနောင် ပါနေတာတော့ ပြောစရာမလိုတော့ဘူးပေါ့ကွယ်။ ဒါဆိုရင် ချေချင်းတွေရင်ထဲက အမုန်းမီးတောက် ဘယ်လောက်ကြီးကြမယ်ဆိုတာ ခန့်မှန်းလို့ ရနိုင်ပါတယ်။

အရွယ်နဲ့မမျှအောင်စစ်ဘေးစစ်ဒဏ်နဲ့ လူလားမြောက်ခဲ့ရတဲ့ သူတို့အဖို့ ကျားကျားယားယား သန်သန်စွမ်းစွမ်းရှိနေတာအံသြစရာတော့ မကောင်းပါဘူး။ (နှစ်ယောက်စလုံး လက်ဝှေ့တွေ နပန်းတွေ တတ်ကြသတဲ့) ဇာတိကိုစွန့်ခွာပြီးတရပ်တကျေးမှာ ခြေမဲ့လက်မဲ့နဲ့ ရုန်းကန်ရလေလေ၊ ပတ်ဝန်းကျင်သစ်က ခွဲခြားဖိနှိပ်ဆက်ဆံခံရလေလေ၊တရုတ်သိုင်းကားတွေထဲကလို မခံချင်စိတ်နဲ့ ရဲစိတ်ရဲမာန်တွေ တက်လာလေလေပဲ။ သည်အချိန်မှာကောင်းကောင်းကြီး မီးလောင်ရာလေပင့် ပေးနိုင်တာကတော့ အင်တာနက်ကြီးပဲ ဖြစ်ပါတယ်။ ဂျီဟဒ်ဂျီဟဒ် နဲ့ ကိုယ့်အသက်မဟုတ်တိုင်း သူများအသက်ကိုရင်းဖို့ မြှောက်ပင့်ရေးသား နေတဲ့ ၀က်ဆိုက်တွေအများကြီး ရှိတယ်။ ကိုယ့်ဆီမှာ မြန်မာဘာသာနဲ့ ဖေ့စ်ဘုတ်အကောင့်တွေတောင် အဲလောက်ဘုန်းပေါလအောရှိနေမှ အမေရိကန်စတန်းဒတ်တွေ ဘယ်မရှိပဲ နေပါ့မလဲ။ နဂိုကတည်းက ချေချင်းပျောက်ကျားတွေဟာအယ်လ်ကိုင်ဒါတွေနဲ့ အဆက်အသွယ်ရှိကြတာလည်း အထောက်အထားတွေနဲ့ တွေ့ထားတယ်။ ဘယ်နိုင်ငံကဘာအကြောင်းနဲ့ခိုလှုံလာရတဲ့ မူဆလင်မျိုးကိုမဆို သူတို့လိုချင်သလို မှိုင်းတိုက် အသုံးချမယ့်အဖွဲ့အစည်းတွေဟာ မြေပေါ်မှာရော မြေအောက်မှာပါ ရှိတယ်။ ဘင်လာဒင်သေလို့၊ ဆဒမ်ဟူစိန်သေလို့အနောက်ကမ္ဘာကြီး အေးချမ်းသွားလိမ့်မယ် လို့ မထင်နဲ့။ သူတို့ရင်ထဲက အမုန်းမီးတောက်တွေကိုမငြှိမ်းနိုင်ရင် ဖွဲမီးလို ဆက်လောင်နေဦးမှာပဲ။ မီးစာရယ်၊ ဓါတ်ဆီရယ်၊ ယပ်တောင်ရယ်သုံးခုအတူထားမိလို့ကတော့ လောင်တဲ့မီးကို အဆိုးမဆိုနိုင်တော့ဘူး။ ရှို့မယ့်သူက အဆင်သင့်။

အခုဖြစ်ရပ်ကိုပြန်ဇယားချကြည့်လိုက်တော့ တရားခံသုံးယောက်ထွက်လာတယ်။ တစ်တရားခံကတော့ ကာယကံရှင် ညီအကိုပေါ့။နှစ်တရားခံ နောက်ကွယ်က ကြိုးကိုင်သူ၊ မြှောက်ပင့် သွေးထိုး လှုံ့ဆော်သူ၊ ဘယ်သူပဲ ဖြစ်ဖြစ်၊မိအောင် ဖမ်းနိုင်သည်ဖြစ်စေ၊ မဖမ်းနိုင်သည်ဖြစ်စေ၊ ဘယ်လောက်ပဲ နှိမ်နှင်းနှိမ်နှင်း၊ငကန်းသေရင် ငစွေလာဦးမှာပဲ။ ဒါကြောင့် တတိယတရားခံဖြစ်တဲ့ မညှာမတာ မတရားသဖြင့် အကြမ်းဖက်နှိမ်နှင်းတဲ့မုန်းပင်ပျိုးခဲ့သူ အစိုးရမင်းများအပေါ်မှာလည်း တာဝန်မကင်းဘူး။ ရုရှားအစိုးရကလုပ်တာအမေရိကန်ပြည်သူတွေနဲ့ ဘာဆိုင်လို့လဲဆိုရင် ဘာမှ မဆိုင်ပါဘူး။ ဒါပေမယ့် ချေချင်းတွေသွေးကြွအောင်မြှောက်ပေးပြီး လက်နက်ထောက်ပံ့နေတာ အယ်လ်ကိုင်ဒါတွေတင် မဟုတ်ဘူး။ အမေရိကန် နဲ့ ဥရောပနိုင်ငံတွေကလည်းပါသတဲ့။ မီးစတစ်ဘက် ရေမှုတ်တစ်ဘက်နဲ့ နိုင်ငံရေးကစားနေတဲ့ နေတိုးကလူတွေကိုလည်း ချေချင်းတွေကမော်စကိုကလူတွေလောက်နီးနီး မုန်းပါသတဲ့။ မြှောက်တုန်းကမြှောက်ပေးပြီး အရေးအကြောင်းကျတော့သူမပါသလို ပါးစပ်ကြီးပိတ်နေတာကို စိတ်နာလို့ ဆိုပဲ။ မတရားမှုတစ်ခုမှာ ကြားနေတယ်ဆိုရင်..ဆိုတဲ့ ပုဒ်မကြီး တပ်ထားမှာပေါ့လေ။ အဲဒါ သူတို့ အရှုပ်ထုပ်ကြီးထဲက ကိုယ်မွှေလို့ ရသမျှပါပဲ။

အလကားနေအလကားဘာဖြစ်လို့ ဓါးခုတ်ရာ လက်ဝင်လျှိုရသလဲဆိုတာကတော့ ကိုယ့်ဆီကလူတွေ သင်ခန်းစာယူစရာတွေအများကြီး ပါလို့ပါ။ ချေချင်းညာမှာ ခွဲထွက်ရေးသမားတွေရှိသလိုပဲ ကိုယ့်ဆီမှာလည်း ဖက်ဒရယ်တောင်းနေတဲ့သူတွေရှိတယ်။ ဘာဖြစ်လို့ တောင်းရသလဲဆိုတော့ ပြည်နယ်ပြည်မ မညီမျှတာတွေ ပြောလို့မကုန်အောင်ရှိတယ်။တိုင်းရင်းသားတွေအပေါ်မှာ လူမျိုးကြီးဝါဒနဲ့ အနိုင်ကျင့် အုပ်စိုးနေတယ် လို့ မြင်တဲ့သူတွေလည်းမြင်တယ်။ ကိုယ့်ပြည်ကထွက်တဲ့ သယံဇာတတွေကို အကုန်လက်ဝါးကြီးအုပ်ပြီး ဒေသဖွံ့ဖြိုးရေးအတွက်ဘာတစ်ခုမှ လုပ်မပေးဘူး လို့ မပြေးသော်ကန်ရာရှိတဲ့ စွပ်စွဲချက်တွေကိုလည်း မငြင်းနိုင်ဘူး။အဲဒီအထဲမှာမှ တချို့လက်နက်ကိုင်အဖွဲ့အစည်းတွေနဲ့ ခုထက်ထိ ပြီးပြီးပြတ်ပြတ် ငြိမ်းချမ်းရေးမယူရသေးဘူး။ လိုင်ဆာကို အနိုင်သိမ်းနိုင်လိုက်ရင် ချေချင်းမှာ ငြိမ်သလို ငြိမ်သွားမယ်ပဲတွက်နေတယ်။ အနောက်တံခါးက ကျိုးပေါက်ဝင်လာတဲ့သူတွေရှိသလို အရှေ့စည်းရိုးက လက်နက်ထောက်ပံ့နေတာတွေလည်းအထင်အရှားပဲ။ ပြည်တွင်းပြည်ပ မီဒီယာတွေကနေ အမွှေဇယားခင်းပြီး အိမ်ကြက်ချင်း အိုးမည်းသုတ်နေတာလည်းလောလောလတ်လတ်ကြီး ရှိသေးတယ်။ အဲဒီလူတွေကြားထဲမှာ ချေချင်းတွေလို သေမှာမကြောက်ပဲ ပေတရာလျှောက်သွားမယ့်သူပေါ်လာမှာ စိုးရသေးတယ်လေ။ ဒါကြောင့်မို့လို့ ဘယ်ဘက်ကိုမှ အမုန်းမီးတွေကို မမွှေးစေချင်တော့ဘူး။ကိုယ့်ပြည်တွင်းကလူတွေ မငြိမ်မသက်နဲ့ ကျီးလန့်စာစားဘ၀ရောက်အောင် မီးလောင်ရာလေပင့်ပြီးကိုယ်ကျိုးစီးပွားရှာတဲ့ တောကြောင်တွေကိုလည်း ရပ်စေချင်ပြီ။

ကိုယ့်ဆီမှာလည်းမကြာခင် ဆီးဂိမ်းကလာတော့မှာ။ နေပူတော်ကြီးကို ရှပ်ဒေါင်းလုပ်ပြီး ခရုခါးတောင်းကျိုက်ဖမ်းနေရရင်လွယ်မယ်မထင်ပါဘူး။ မဖြစ်နိုင်ဘူးလို့တော့ ဘယ်ပြောလို့ရမလဲ။ တခါတခါမှာ ပညာတတ်လှပါတယ်ဆိုပြီးဆရာဝန်ကြီးလုပ်နေတဲ့သူတွေတောင်မှ မြန်မာပြည်မှာ ဗုံးတစ်လုံးတော့ မဖြစ်မနေ ကွဲရတော့မယ်ဆိုရင် ဟိုရုံးကြီးမှာသာကွဲပလိုက် အေးရောဆိုတဲ့ အတွေးတွေ သူသူကိုယ်ကိုယ် ရှိကြတာ မနည်းဘူးဗျ။ အပေးအယူ အလျော်အစားတွေနဲ့တော်တော်ကြီးစိတ်နာလောက်အောင် ချောင်ထိုးထားခံရတဲ့ ဆရာဝန်တွေ မရှိဘူးလို့ ပြောဦးမလို့လား။ဒါဆိုလည်း နောင်ကျလို့ အသေခံဗုံးခွဲတဲ့ဆရာဝန်တွေ ပေါ်လာခဲ့ရင် မအံ့သြကြေးပေါ့ကွယ်။ အိပ်မက်ထဲမှာပြောတာပါ။ သားသားက ဘောက်ဆင်လည်းမတတ်၊ သေနတ်လည်းခလုပ်မဆွဲတတ်ဘူး။ (ဖောင်ကြီးတက်လို့မရလို့) ရုရှားက ပြန်လာတဲ့ ဆေးဗိုလ်လေးတွေဆို နည်းနည်းနီးစပ်တယ်။ ချေချင်းကြီးတို့ချေချင်းငယ်တို့နဲ့ အဆက်အသွယ်ရှိချင်ရှိခဲ့မှာ။ သူတို့လည်း ဟိုမှာ သုံးနှစ်နေပြီး ဘွဲ့မပေးပဲလက်မှတ်ပဲပေးလို့ စိတ်နာနေသတဲ့။ ဘယ်သူ့ကိုမှ စိတ်နာအောင် မလုပ်တာ အကောင်းဆုံး မဟုတ်လားဗျာ။လူဆိုတာ အချော့ကြိုက်သတဲ့။ နတ်တွေတောင် အချော့ကြိုက်သေးတာပဲ။ ခုကတည်းက မင်းညီနောင်ချော့တတ်အောင် နားထောင်ထားလိုက်ဦးစို့။

“ရွှေပြုံးက ပန်းခွာညို မွှေးလှတယ်ဆို။ပန်စေလို လောင်းညိုလှေကလေးနဲ့ ချိုးတင်ခဲ့လေး။ ရွှေပြုံးကိုသွားမယ်လို့ လှံသွားရယ်တဲ့သုံးတောင်ပြောင်လောက်အောင်သွေး၊ ကျောက်ပျဉ်ကြီးရယ်နှင့် မှန်ဘီးကို ယူခဲ့ပါ့ ညိုနွဲ့ငယ့်လေး။

by Soe Min (Notes) on Sunday, April 21, 2013 at 11:15pm
ဆရာစိုးမင်း facebook မှကူးယူဖော်ပြပါသည်။

1 Star2 Stars3 Stars4 Stars5 Stars (No Ratings Yet)
Loading...

Social Bookmarking: del.icio.us:“တေးဆိုလို့ ချော့ပါ့မယ်”  - ဆရာစိုးမင်း (ငွေစန်းရောင်) digg:“တေးဆိုလို့ ချော့ပါ့မယ်”  - ဆရာစိုးမင်း (ငွေစန်းရောင်) spurl:“တေးဆိုလို့ ချော့ပါ့မယ်”  - ဆရာစိုးမင်း (ငွေစန်းရောင်) wists:“တေးဆိုလို့ ချော့ပါ့မယ်”  - ဆရာစိုးမင်း (ငွေစန်းရောင်) simpy:“တေးဆိုလို့ ချော့ပါ့မယ်”  - ဆရာစိုးမင်း (ငွေစန်းရောင်) newsvine:“တေးဆိုလို့ ချော့ပါ့မယ်”  - ဆရာစိုးမင်း (ငွေစန်းရောင်) blinklist:“တေးဆိုလို့ ချော့ပါ့မယ်”  - ဆရာစိုးမင်း (ငွေစန်းရောင်) furl:“တေးဆိုလို့ ချော့ပါ့မယ်”  - ဆရာစိုးမင်း (ငွေစန်းရောင်) reddit:“တေးဆိုလို့ ချော့ပါ့မယ်”  - ဆရာစိုးမင်း (ငွေစန်းရောင်) fark:“တေးဆိုလို့ ချော့ပါ့မယ်”  - ဆရာစိုးမင်း (ငွေစန်းရောင်) blogmarks:“တေးဆိုလို့ ချော့ပါ့မယ်”  - ဆရာစိုးမင်း (ငွေစန်းရောင်) Y!:“တေးဆိုလို့ ချော့ပါ့မယ်”  - ဆရာစိုးမင်း (ငွေစန်းရောင်) smarking:“တေးဆိုလို့ ချော့ပါ့မယ်”  - ဆရာစိုးမင်း (ငွေစန်းရောင်)

Get notified by email when shweDarling.com blog is updated! CLICK HERE!

Leave a Reply - မြန်မာလိုလဲ ကွန်မန့် ပေးနိုင်ပါပြီ

You must be logged in to post a comment.

International Prepaid Cards

မြန်မာနိုင်ငံကို ဖုန်းခေါ်ကြမယ်

Burmese-English Dictionary
Featured sites
Myanmar Entertainment
Free Flash Games
Advertise here
Live Search
Categories
Recent Comments
Archives
Myanmar Blogs
Misc.
Korean Friend Finder - Free Sign Up!

web page hit counter